Основы Ислама

Ламазах 1арбийн маттахь солат олу. Солат бохучу дешан маь1на до1адар ду. Ткъа шари1атан 1илманехь ламаз - иза Делан дуьхьа долчу нигатца, Аллах1у Акбар аларца долалуш, Салам даларца чекхдолуш, шатайпана бехкамаш болу дешнаш алар, меженаш меттахъхьеяр ду. Цунах солат алар бахьана - шена чохь до1анаш дукха хилар ду. Ламаз дар важиб (дича мела хир болуш, дитича къа хир долу Делан омра) ду х1ора бусалба стагана, зудчунна т1ехь. Элчано (Делера салам-салават хуьлийла цунна) аьлла: «Ворх1 шо кхаьчча дуьйна берана ламаз 1амаде, итт шарал хьалаваьлча ламаз ца дахь, тоха мегаш ду царна, оцу хенахь дуьйна цхьана метта ма бийшийта уьш».